Abu Simbel (ing basa Arab أبو سنبل utawa أبو سمبل) iku situs arkéologi sing dumadi saka loro kuil watu ing kidul Mesir persisé ing ujung Tlaga Nasser utawa leté 290 kilometer kidul-kulon kutha Aswan. Wektu iki Abu Simbel minangka Situs Warisan Donya UNESCO sing mlebu bagéyan jroning Markah tanah Nubia, sing nglingkupi wiwit saka Abu Simbel nganti Philae.
Kuil iki sabeneré dipahat wektu Pirngon Ramses II isih kuwasa ing Abad 13 Sadurungé Masèhi, minangka markah tanah pungkasan kanggo panjenengané lan garwané Nefertari, kanggo mèngeti kamenangané jroning Pertempuran Kadesh, lan kanggo medèn-medèni tanggané Nubia.