Alas Bialowieza ya iku sawijining alas reservasi kang dumunung ing 145 mil sisih wetan Warsawa, Polandia lan wewatesan karo nagara Belarus. Alas taman nasional iki dadi panggonan perlindungan tumrap bison eropa, rusa elk, babi alas, rusa, srigala lan lynx sarta berang-berang lan uga minangka habitat alas primer, campuran alas rontok lan alas konifer.
Alas iki dadi Situs Warisan Dunia UNESCO ing taun 1992 lan bageyan Belarus didadekake minangka Biosphere Reserve under UNESCO's Man and the Biosphere Programme (Cagar Biosfer di bawah Program Manusia dan Biosfer UNESCO) ing taun 1993 (bageyan Polandia wis disahke ing taun 1976).
Suwene nganti 500 taun alas Bialowieza dadi panggonan ngajag favorit raja-raja Polandia lan tsar Rusia, kang dadekake minangka panggonan kang dilarang kanggo dieksploitasi. Proteksi iki dadekake wewengkon Bialowieza minangka sisa alas Éropah kang isih asri nganti abad kaping 20, nanging suwene Perang Dunia I, status perlindungan mau rampung. Antarane taun 1915 lan 1918 alas iki dikuasai déning tentara Jerman kang nebang akehe 5 juta meter kubik kayu kanggo keperluan perang lan ngrusak bageyan kang gedhe saka uripe kang liar. Akeh-akehe karusakane ana ing 3 wulan wiwitan ya iku nalika akeh spesies-spesies gedhe diajag kanggo konsumsi tentara. aNalika wiwitane perang, ana 700 rusa elk ing Bialowieza lan nalika perang bubar, mung ana 3 kang isih sisa. Babi alas mula-mulane ana 2300 lan rusa abang knag mula-mulane akeh mung sisa 6. Bison kang minangka kewan paling gedhe ing kene dadi kalong ya iku saka 727 ing wulan Agustus taun 1915 dadi 120 ing wulan Desember 1915, lan sudane iki nalika ana perang.
Alas Bialowieza duwéni habitat fauna kang akeh, ing antarane ya iku 8500 jinis serangga, 206 spesies laba-laba, 24 spesies iwak, 228 spesies manuk (48 endemis) – kalebu black sork lan bangau, garudha, beluk, kite, ruff, grouse ireng, capercaillie, roller, hoopoe, crossbill lan ortolan. Spesies mamalia ing antarane ya iku mamalia cilik kayata landak, mole, vole lan shrew, 13 spesies lawa, 19 spesies pengerat, uga ana rubah, luwak, berang-berang, rakun, marten, polecat dlan hare coklat. Kucing alas sarta srigala kang wis suwe punah lan bruwang coklat kang pungkasan punah ing taun 1963. Nalika taun 1976 adhedhasar panaliten ilmuwan Polandia, populasi mamalia gedhe ana 936 rusa abang, 522 rusa roe, 803 babi alas, 49 rusa elk, 13 lynx, 3 srigala lan luwih saka 250 ekor bison eropa.
