Kastil Codnor inggih punika rerubuhan kastil saking abad kaping 13 ing Derbyshire, Inggris. Lahan ing sekitar Codnor ing sangandhaping kuwaosan William Peverel bibar Penaklukan Normandia ing Inggris. Sanajan kedhaptar minangka monumèn kuno ingkang dipunjagi, kanthi resmi saking 2008 mlebet ugi ing dhaptar bangunan ingkang mbebayani.
Kastil punika bèntèng watu ingkang njagi kebon astana dipunbangun déning William Peverel. Ingkang kantun sapunika nedahaken wates saking tembok lan parit sedhuwuring bangunan kanthi tingkat tiga, dipunapit kalihan menara bunder. Bagéyan njawi kebon ing ngandhap dipunbangun ing periode salajengipun. Kastil punika gadhah sesawangan lembah Erewash sarta laladan Derbyshire lan Nottinghamshire. Aslinipun gadhah parit ingkang jero ing sisih wétan lan ing sisih wétan naté wonten wit-witan ingkang sapunika sampun telas dipuntegor. Ing sisih kilènwonten lapangan ingkang dipunjagi déning menara bunder ingkang ageng lan wonten lekukan kanggé tempur. Ing bagéyan sanès wonten bukti bilih tembok njawi gadhah bolongan ingkang saged dipunginakaken pemanah menawi dipunbetahaken.
Taun 1211 kastil punika kagunganipun Henry de Grey, keturunan kesatria Normandia Anchetil de Greye. Keturunan Henry kalebet Lords Grey saking Codnor, Lords Grey saking Ruthyn, Wilton lan Rotherfield, Lady Jane Grey lan Earls saking Stamford, lan kulawarga Dukes saking Suffolk lan Kent ingkang boten gadhah keturunan malih. Larénipun mapan wonten ing Codnor lan dados Baron ingkang loyal marang Henry III. Sareng kalihan sedhèrèkipun John lajeng nglayani Raja ing Tanah Suci. John Grey misah saking perang Skotlandia lan gabung marang Edward III. Sareng kalihan William D'Eincourt, Lord Grey mimpin sadaya kesatria Derbyshire lan Nottinghamshire kanggé nyingkiri invasi. Henry, keturunan pungkasan kulawarga séda nalika masa pamaréntahan Henry VIII. Piyambakipun marisaken sapérangan lemahipun dhateng putra-putranipun, Henry lan Richard. Sanèsipun dipunwarisaken dhateng bulekipun Elizabeth Grey ingkang lajeng ing taun 1429 krama kalihan Sir John Zouche, lare paling enèm saking sekawan sedhèrèk Baron Zouche saking Harringworth. Sir John Zouche saking Codnor kaping tiga dados High Sheriff of Derbyshire. Kastil punika dados kagunganipun kulawarga Zouche 200 taun dumugi dipunsadé lajeng pindhah dhateng Virginia taun 1634. Sir Streynsham Master, High Sheriff of Derbyshire ingkang mapan wonten ing kastil taun 1712, dipunlaporaken minangka tiyang pungkasan ingkang manggèni kastil kasebut.
Kastil Codnor mapan ing dhataran inggil mawi sesawangan ingkang saé mangetan ingkang wonten sapérangan tembok ingkang tasih wonten, bolonganipun sapunika dados papanipun manuk. Saking tilas tembok lan pondasi, katingal naté dados papan ingkang wiyar. Ing kidul wonten ruang persegi ingkang ageng mawi kalih lawang mlebet ing kastil. Ing sisih wétan wonten parit ingkang wiyar lan jero dene ing tanggulipun nate ketuwuhan kalih larik wit ingkang sapunika dipuntegor ing taun 1738. Taman ing wewengkon Kastil wiyaripun kirang langkung 89 square kilometres (). Ing wiwitan abad kaping 13 wonten kastil ing mriku lan ing masa pamaréntahan Henry III dados papan tugas Richard de Grey, keturunanipun Baron Grey saking Codnor manggeni radi dangu, keturunan paling pungkasan, Henry satunggaling filsuf lan ahli alkimia ing masa pamarentahan Henry IV pikantuk lisensi kangge sinau ngeahi logam. Piyambakipun séda ing taun 1526, nalika laladan Codnor dipunalihaken dhateng Sir John Zouch ingkang krama kalihan Elizabeth. Wewengkon Codnor dipunsadé déning Sir John Zouch lan John Zouch, Esq. pewarisipun nalika 1634 marang Uskup Agung Neile lan larénipun Sir Paul. Keturunanipun, Richard Neile, Esq. nyade kastil lan lahan kagunganipun ing Codnor dhateng anggota Heanor, Loscoe, lan Langley. Lajeng lemah ing Taman Codnor, taun 1692 marang Sir Streynsham Master ingkang dados high sheriff taun 1712 lajeng nguwaosi Kastil Codnor, ananging lajeng dados bangunan ingkang boten keurus saking periode wiwit rubuh. Kacariyosaken wonten enem griya tetanen lan bangunan sanèsipun dipunbangun saking lahan bangunan ingkang dipunpendhet saking rontokan. Kanal Cromford lan Erewash lajeng dados setunggal
Sapunika ingkang kantun saking Kastil Codnor punika rubuhan ingkang sampun gapuk. Tembokipun dipunsangga mawi perancah. Tandha ingkang pager watesan nedahaken bilih papan punika kagunganipun UK Coal Mining Ltd. lan tiyang umum boten kenging mlebet. Ing Juni 2007, program Time Team saking Channel 4 nglampahi pengedhukan arkéologi ing sekitar kastil kanthi kasil ingkang sae. Ingkang paling spektakuler inggih punika pepanggihan koin emas abad tengahan ingkang dipunpanggihaken ing parit, sapunika dipunpanggihaken Museum lan Galeri Seni Derby