Grojogan Niagara yakuwi sawijining grojogan gedhé kang dunungé ana ing Kali Niagara, yakuwi ing tlatah tapel wates antara Kanada lan Amérika Sarékat, misahaké Provinsi Ontario Kanada lan Negara bagéyan New York Amérika Sarékat. Grojogan iki dumunung kira-kira 17 mil (27 km) arah lor-lor-kulon saka Buffalo, New York, 75 mil (120 km) kidul-kidul-wétan saka Toronto, Ontario, antara kutha kembar Niagara Falls, Ontario, lan Niagara Falls, New York.
Grojogan Niagara arupa rong bagéan kang pinisah déning Goat Island: Grojogan Tapel Jaran, ing sisih Kanada lan Grojogan Amérika ing sisih negara Amérika Sarékat. Grojogan sing luwih cilik yakuwi Bridal Veil Falls uga dumunung ing sisih Amérika, dipisah saka grojogan utamané déning Pulo Luna. Grojogan Niagara dumadi nalika glaciers mandheg ing pungkasané Wisconsin glaciation (pungkasan abad ès), lan banyu saka telaga anyar Great Lake mili ngliwati Niagara Escarpment menyang Samudra Atlantik. Grojogan Niagara kawentar amarga kaéndahané lan minangka sumber energi listrik hidro. Nata kasaimbangan minangka panggonan rekreasi, komersial lan industri ngrupaaké tantangan kanggo sing kajibah ngreksa grojogan mau wiwit taun 1800an.
Grojogan Niagara kapérang dadi loro yakuwi Grojogan Tapel Jaran lan Grojogan Amérika. Grojogan Tapel Jaran dhuwuré watara 173 feet (53 m). Grojogan Amérika dhuwuré udakara 70 feet (21 m).