Notre Dame de Paris (AFI: ]; Prancis kanggé "Kanjeng Ibu saking Paris"), ingkang ugi dipunmangertosi minangka Notre Dame Cathedral utawi mligi Notre Dame, inggih punika satunggaling gereja ingkang wonten ing Paris ingkang dipundamel kanggé njunjung inggil wontenipun Bunda Maria. Notre Dame punika inggih satunggaling bangunan ingkang gadhah nilai sujarah ingkang ageng kanggé para umat agama Katolik Roma wonten ing gereja Maria ing bagéyan sisih wetan saking Île de la Cité ing arrondissement kaping sekawan saking Paris, Prancis. Ing lingkup ingkang ageng Notre Dame de Paris inggih dipunanggep minangka salah satunggaling tuladha ingkang paling saé saking arsitektur Gothik ing Prancis lan ing salah satunggalipun ingkang paling ageng lan minangka gereja paling misuwur ing dunya.
Notre Dame inggih punika minangka bangunan katedral saking agama Katolik saking uskup Agung Paris. Notre Dame inggih punika gereja ingkang ngewrat katedral (kursi resmi) saking Uskup Agung Paris, ingkang sak punika dipun jabat déning André Vingt-Trois. Katedral Notre Dame punika inggih minangka bangunan ingkang gadhah sujarah inggil kangge relik ingkang dipun pitados minangka papanipun mahkota eri, satunggaling fragmèn saking salib ingkang leres lan salah satunggalipun inggih Holy Nail, sadaya Arma Christi (instrumen kasangsaran) lan saperangan klasifikasi relik Katolik Roma lan larangan- laranganipun ingkang minangka tilaran ingkang wigati sanget. Notre Dame de Paris asring misuwur minangka salah satunggalipun tuladha arsitektur ingkang paling sae saking arsitektur gothik sanèsipun ing Prancis lan ing Éropah kanthi sadayanipun. Ing bédakaken ugi inggih kanthi wontenipun naturilasi seni patung saha kaca patri ingkang béda kaliyan arsitektur Romawi sadèrengipun. Periode kaping sepisan kanggé damel katedral punika inggih saking 1.163 dados 1240 pas kaliyan wontenipun èksperimen musik saking sekolah Notre Dame. KAtedral punika sampun nate risak ing sadangunipun jaman radikal saking Repolusi Prancis ing taun 1790 -an, nalika kathah citra agama ingkang risak lan ambles. Lajeng dipunwontenkaken restorasi (dandani) gedung kasebut kanthi dipunawasi déning Eugène Viollet-le-Duc. Dekorasi ingkang taksih wonten sisa nipun sekedhik- sekedhik dipunbucal sadaya lan konservasi seni katedral wangsul malih wonten ing arsitektur gaya gotik.