Papan Anggegana Internasional Hong Kong (b. Inggris: Hong Kong International Airport utawa HKIA) ya iku papan anggegana internasional kang nglayani laladan Hong Kong, Républik Rakyat Cina kanti kode IATA HKG lan kode ICAO VHHH. Jeneng liya saka papan anggegana iki ya iku Papan Anggegana Chek Lap Kok.
Papan Anggegana iki mapan ing pulo Chek Lap Kok lan awit dibukak nalika tahun 1998, dadi salah siji pusat transit kang penting ing dunya amerga posisiné kang strategis. Papan Anggegana kanti kapasitas 45 yuta penumpang kanti 3 yuta ton kargo lan sakwisé landas pacu kapindo dibukak nalika Mei 1999, kapasitas mundak dadi 87 yuta penumpang lan 9 juta ton kargo. Papan Anggegana kang dadi pusat operasi Cathay Pacific, Dragonair, Air Hong Kong, CR Airways, lan Hong Kong Express iki éntuk penghargaan minangka papan anggegana paling apik saka majalah Skytrax suwéné lima tahun katurut-turut (2001-2005).
Saiki ana 2 landas pacu kanti dawa 3.800 meter lan amba 60 meter. Jeneng landasan kasebut ya iku 07L/25R dan 07R/25L kang artiné isa uga dibédakaké minangka landasan lor lan skidul.
Papan Anggegana iki dibangun kanggo gantèni Papan Anggegana Internasional Kai Tak ing duwur pulo gaweyan kang direklamasi saka pulo Chek Lap Kok lan Lam Chau. Amba lahan papan anggegana iki ya iku 12,48 km² kang 25% sak amba kasebut ya iku kapindo pulo kang direklamasi mau.
Papan Anggegana iki dibukak nalika 6 Juli 1998 kanti désain saka arsitek Foster and Partners sarta ngentekaké wektu 6 tahun kanri biaya 20 milyar dolar AS. Sakwéné 3 nganti wulan pertama operasi, pira-pira masalah dialami papan anggegana iki, malah kargo pernah dipindahaké manèh marang Kai Tak.
Ing lobi tekoné, penumpang kudu liwati pemeriksaan imigrasi, jukuk bagasi, lan liwat pemeriksaan bea cukai. Senajan Papan Anggegana Internasional Hong Kong amung duwéni sak terminal, ananging mentu liwat lawang kang salah bakal nyebapaké kesalahan kang fatal utama yèn penumpang arep ketemu kanti salah sijiné pawongan kang dudu penumpang.
Pemungutan bagasi ing karousel 1-7 majibake penumpang kanggo mentu saka lawang metu A. Wondéné pemungutan bagasi ing karousel 8-14 majibaké penumpang kanggo mentu saka lawang metu B. Amung Cathay Pacific kang duwéni karousel pemungutan bagasi lan lawang metu kang tetep (ya iku 7-8).
Ing ngisor iki ya iku daftar maskapé penerbangan kang ana ing HKIA kang disusun andhedhasar jalur kanggo check-in
Sahingga maskapé penerbangan miturut tujuanné (berserta cargo) disusun kaya mengkéné:
-- 21 Mei 2012 02.59 (UTC)
