Piramida Giza utawi Piramida Agung Giza punika kalebet piramida ingkang sepuh lan paling ageng nomor 3 ingkang wonten ing Nekropolis Giza lan kalebet satunggaling bangunan ingkang taksih dados bagian Pitu Kaajaiban Donya. Wonten kapitadosan bilih piramida punika dipunbangun dados makam kanggé firaun dinasti kaping sekawan Mesir, Khufu (Χεωψ, Cheops) lan dipunbangun kirang langkung 20 taun lan kinten-kinten nalika taun 2560 SM. Piramida punika kadang wonten ingkang mastani Piramida Khufu kanthi dhuwur 246 meter .
Piramida Giza punika dados simbol keabadian awit saking Piramida punika satunggaling piramida saking Pitu kaajaiban donya kuno ingkang tasih wonten.
Piramida Giza punika bagéyan utami saking kompleks bangunan makam ingkang gadhah kalih kuil kanggé pakurmatan dhateng Khufu (ingkang satunggal celak kaliyan piramida lajeng ingkang satunggal celak kaliyan Sungai Nil). Tigang piramida ingkang langkung alit kanggé garwanipun Khufu. Kaliyan satunggal piramida satelit ingkang langkung alit malih arupi lintasan ingkang dipundamel inggil kaliyan makam-makam mastaba kanthi ukuran alit wonten ing sakiwa tengené piramida para bangsawan. salah satunggal saking piramida-piramida punika nyimpen makam ratu Hetepheres (dipupanggihaken nalika taun 1925), rayi, garwa Sneferu kaliyan ibu saking Khufu. Ugi dipunpanggihaken satunggaling kutha kalebet papan kanggé makam, toko roti, pabrik bir, lan kompleks kanggé nglebur tembaga. Langkung kathah malih bangunan lan kompleks dipunpanggihaken déning Proyek Pemetaan Giza.
wonten ing sisih barat daya Piramida Giza punika wonten piramida ingkang sekedhik langkung alit, Piramida Khafre salah satunggaling panerus Kufu ingkang dipunsebat dados ingkang mbangun Sphinx Agung. Lan wonten malih Piramida Menkaure panerusipun Khafre ingkang dhuwuripun separuhipun.
Prakiraan rampung anggènipun damel Piramida punika kirang langkung taun 2560 BC. Dene Wazir Khufu, Hemon, utawi Hemiunu, dipunpitadosi minangka arsitek saking Piramida Giza .
Kontraversi pambangunan Piramida Agung Giza punika lanjut dumugi pungkasan abad kaping 19. Nalika kathah arkeolog donya ingkang kagungan pamanggih bilih Piramida Agung Giza kabangun kanthi konstruksi blok watu granit cacahipun 2.300.00 wiji watu ingkang dipunpendhet sakibg wewengkon Aswan. Saben blok watu kagungan bobot 2.5 ton. Prosesing damel betah wekdal kirang langkung 30 taun kanthi mbetahaken 100.000 ingkang makarya .
Komplèks Piramida Giza ingkang dipunbangun déning bangsa Mesir Kuno kirang langkung 5000 taun kepengker gadhah aréa kanthi wiyar sami kaliyan jarak saking St Peter ( Roma ), katedral Florence ( Milan ) dumugi St Paul ( London ). Dipunyakini ugi bilih kempalan watu ing Piramida Giza menawi dados satunggal saged damel tembok kanthi dhuwur 3 meter lan kandel 0,3 meter ingkang saged nyukupi sadaya Perancis.