Segara Abang (basa Indonesia: Laut Merah, Arab بحر الأحمر Bahrul-Ahmar; Ibrani ים סוף Yam Suf; Tigrinya ቀይሕ ባሕሪ QeyH baHri) iku sawijining teluk ing sisih kulon Jazirah Arab sing misahaké bawana Asia karo Afrika. Jalur menyang segara ing kidul ngliwati Babul Mandib lan Teluk Aden déné ing sisih lor dumunung Semenanjung Sinai lan Terusan Suez. Segara iki ing papan sing paling jembar ambané 300 km lan dawané 1.900 km kanthi titik paling jero 2.500 m. Segara Abang uga dadi habitat tumrap manéka makhluk banyu lan koral.
Senadyan kerep digandhèngaké karo crita-crita ing mangsa kapungkur, nanging nganti abad kaping-20, wong Eropah tansah nyebut "Teluk Arab", déné Herodotus lan Ptolemeus nyebutaké "Arabicus Sinus". Banyu Segara Abang dhéwé sakbeneré ora béda karo banyu segara liyané.
Penjelasan èlmiah nyebutaké yèn werna abang ing lumahing segara muncul akibat Trichodesmium erythraeum siang ngembang. Ana uga sing njlèntrèhaké yèn jeneng mau asal saka gunung sugih mineral ing saubengé sing wernané abang.
Kutha-kutha sing dumunung ing pesisir Segara Abang antara liya: Jeddah, Sharm el Sheikh, Plabuhan Sudan, lan Eilat. Ing taun 1950-an, Hans Haas nemokaké Segara Abang minangka papan nyilem lan diterusaké déning Jaques-Yves Costeau. Dhaptar kutha sing luwih jangkep:
|
|
|
Negara sing wewatesan karo Segara Abang yaiku:
