Taman Hyde menika satunggaling taman ageng ingkang wonten ing Sydney, New South Wales, Australia . Taman Hyde utawi kawéntar kanthi Basa Inggris Hyde Park menika mapan wonten ing sisih wétan sidtrik bisnis pusat Sydney. Menika kalebet taman paling kidul ing jaringan taman ing wonten ing sedawaning saking lor tumuju pesisir Port jackson ( Sydney Harbour ). Mbentuk bujur sangkar sembarang, persegi ing ujung kidul, lan bunder ing ujung lor. Ing sisih kulon winatesan kaliyan ELizabeth Street, ing sisih wétan winatesan kaliyan College Street, ing sisih lor kaliyan Park Street ingkang mbentang wétan-kulon.
Taman Hyde menika kalebet taman ingkang paling tua ing Australia. Amargi taman menika sampun wonten wiwit saking taun 1810. Taman Hyde piyambak kapérang dados kalih bagéyan, inggih menika bagéyan kidul lan lor. Ing bagéyan lor menika wonten Grojogan Archibald ingkang dados ikon saking Taman Hyde menika. Wonten ing mriki wonten manéka téma taman ingkang saged dados inspirasi kados Taman Sandringham lan Taman Nagoya. Déné ingkang sisih kidul menika wonten grojogan ageng ing tengahing kolam ingkang wiyar sanget kanthi hiasan patung wonten ing nginggilipun. Kejawi menika wonten ugi Bangunan Memorial ANZAC utawi ANZAC Memorial Building lan pusat pengunjung ingkang kebak kaliyan komponèn sejarah Asutralia lan mliginipun kutha Sydney.
Amargi ngandhut unsur sejarah lan dados taman paling wiyar ingkang kathah wisatawanipun, Taman Hyde Sydney menika asring dipunginakaken kanggé pagelaran acara utawi festival Sydney. Maneka acara kabudayan ingkang naté dipungelar wonten ing Taman Hyde Sydney menika kadosta Sydney Festival, Australia Day, ANZAC Day, lan The Food and Wine Fair .
Bagéyan tengah Taman Hyde menika Archibald Fountain utawi toya mancur Archibald. Toya mancur menika dipunrancang déning François Sicard lan dipunsumbang déning J.F. Archibald ing taun 1932 kanggé ngregani konstribusi Australia ing Perang Dunia I wonten ing Perancis. Ing ujung lor ugi wonten Taman Nagoya ingkang wonten papan catur raksasa lan lawang kanggé mlebet dhateng Stasiun Kréta St. James.
Ing sakiduling taman menika ANZAC War Memorial ing sawingingkingipun Lake of Reflections lan lawang kanggé mlebet dhateng Muséum Stasiun Keréta. Satunggaling monumen kanthi isi senjata 104 militer saking kapal rringal Jerman SMS Emdem madeg wonten ing lawang mlebet taman ing Oxford Street.
