Tübingen, sawijining kutha universitas kang tradhisional ing Baden-Württemberg, Jerman, mapan 30 km sakidul-kuloné Stuttgart, sapinggiré Kali Neckar lan Ammer. Kutha iki kanggo minangka kalenggahan Distrik Administratif saka Tübingen, sarta kabupatèn Tübingen.
Ing taun 2002 kutha iki duwé 82.885 kang ndunungi, kalebu mahasiswa kang gunggungéwatara 22.000 wong. Tübingen iku campuran antarané donya akadhemik kang tuwa lan misuwur, kalebu pulitik liberal lan fraternitas gaya Jerman, kanthi unsur-unsur padésan, tetanè kang khas Swabia. Kutha iki duwé akèh gedhong kang éndah kang asalé saka maabad-abad biyèn, lan papané ing sapinggiré Kali Neckar.
Taun 1995, minggon Jerman, "Focus" nerbitaké sawijining survai nasional kang nelakaké yèn Tübingen duwé kualitas urip kang paling dhuwur ing antarané kabèh kutha ing Jerman.
Univèrsitas Eberhard Karls ing Tübingen diyasa taun 1477, saéngga dadi salah sawijining universitas tuwa dhéwé ing Jerman. Tübingen dhéwé wis madeg wiwit abad kaping 6 utawa abad kaping 7.
Sing ndunungi Tübingen kang misuwur antarané ya iku panyair Friedrich Hölderlin, Alois Alzheimer saka jenengé iku dipukantuk jeneng lelara Alzheimer, Friedrich Miescher wong pisanan kang nemu DNA, lan Wilhelm Schickard kang ngembangaké komputer mekanis pisanan. Hegel lan Johannes Kepler sinau ing Tübingen, lan Joseph Alois Ratzinger (saiki Paus Beneditus XVI) nglenggahi kursi profesor teologi dogmatis ing Univèrsitas kutha iki. Ing kutha iki mapan tokoh-tokoh internasional kaya ta filsuf Ernst Bloch, teolog Hans Küng, pangarang misuwur Walter Jens, uga Christiane Nüsslein-Volhard, pamenang Bebungah Nobel kanggo kadhokteran.
|
|
|
¹ asil sensus
Ann Arbor, Michigan, iku kutha kembar Tübingen ing Amérika Sarékat. Kutha-kutha kembar Tübingen liyané ya iku Aix-en-Provence (Prancis), Monthey (Swiss), Durham (Britania Raya), Aigle (Swiss), Perugia (Umbria, Italia), lan Petrozavodsk (Karelia, Rusia).
