Leland Stanford Junior University, ingkang kondhang dipunsebut Universitas Stanford (utawi Stanford kémawon), inggih punika sawijining universitas swasta ingkang dumunung kinten - kinten 60 kilomèter ing tenggara San Francisco lan kinten - kinten 30 km ing sisih wètan laut San Jose ing wewengkon Kabupaten Santa Clara ingkang dèrèng dipunresmikaken minangka kutha. Stanford dumunung wonten ing caket kutha Palo Alto, California, Amerika Serikat pas ing jantung Lembah Silikon kanthi geografis punapa déné historis.
Universitas Stanford dumunung ing kampus universitas kaping 2 paling ageng ing donya, lan dumunung saking Sekolah Teknik, Hukum, Kadhokteran, Pendidikan, Bisnis, Ilmu bumi, lan Humaniora sarta Sains. Universitas punika kagungan sajumlah program lan sawijining griya sakit pendidikan kejawi manéka kegiatan ingkang njangkau masyarakat lan inisiatif relawan.
Wiyar Universitas Stanford inggih punika 32 km². Kampus utamanipun dipunwatesi déning El Camino Real Stanford Avenue, Junipero Serra Boulevard lan Sand Hill Road ing sisih kilèn laut saking Lembah Santa Clara ing Jazirah San Francisco. Wonten ing musim panas 1886, nalika kampus punika pisanan dipunrancang, Stanford ngrawuhaken presiden saking Massachusetts Institute of Technology Francis Amasa Walker lan arsitèk lansekap ingkang kondhang Boston Frederick Law Olmsted dhateng pasisir kilèn kanggé amringi konsultasi. Olmsted migunakaken sawijining konsèp umum kanggé kampusipun sarta bangunan-bangunanipun. Piyambakipun nmpik bagèyan ingkang berbukti-bukit lan langkung milih permukaan ingkang rata, ingkang langkung ika praktis. Charles Allerton Coolidge lajeng ngrembakakaken konsèp punika miturut gaya almarhum mentoripun, Henry Hobson Richardson wonten ing gaya Romanesk Richardsonian, ingkang dipuncirikaken déning bangunan-bangunan watu persegi 4, ingkang dipungayutaken kaliyan lorong-lorong beratap kanthi lengkungan sasampuning bunderan. Kampus aslinipun ugi dipunrancang kanthi gaya kolonial Spanyol ingkang asring dipunsebut kanggé California ingkang dipunkenal minangka Mission Revival.
Stanford kanthi konsistèn wonten ing jajaran universitas paling apik ing donya, inggih wonten ing bab pangajaran punapa déné panalitèn. Majalah U.S. News and World Report (USNWR) mapanaken Stanford wonten ing peringkat 5 donya kanggé program sarjananipun taun 2009. Stanford ugi dipundunungaken wonten ing peringkat 3 ing donya kanggé universitas panalitèn paling apik déning Academic Ranking of World Universities (ARWU) taun 2010. Pemeringkat sanèsipun, Times Higher Education World University Rankings, mapanaken Stanford ing posisi angka 4 donya minangka universitas panalitèn paling apik ing donya taun 2010.
Kanggé mahasiswa utawi calon mahasiswa
Publikasi Stanford lan terbitan media sanèsipun
Kanggé Pangunjung